الحرف بيبكى

الحرف بيبكى مع عودى
على موتك يالخال أبنودى
إزاى أنا هكــــتب وهغـنى
والحزن بيجرى بوريدى
***
ووهيبه بتسأل عن خالها
مين بعدك هيكون خيالها
يرسمها أغانى وحكاوى
ويبيض طرحتها وشالها
****
ويسين الدمع سكن عينه
والحــــزن مكبل شراينه
وحروفـــــه كلها بتنادى
ياوهيبة بالرحمة إدعـيله
****
أنا مهما كتبت يالخــــال
مايكفى والله الموال
مين غيرك علمنى أغنى
وازاى أبقى يوم زجــال
***
هتفضل دايما فى قلوبنا
ووهيبه هتفضل غنوتنا
نعشق ونحب فى بهية
ياغنوة رسمت حضارتنا
………….
القروى الساخر
عبدالهادى الشعراوى