أخر المستجدات
الرئيسية » أدب الكتاب » .الحسنية المدكر….زجل بقلم رشيد شرقان

.الحسنية المدكر….زجل بقلم رشيد شرقان

زجل

ذات سجال مع حسنية المدكر

*حلاوة النفاق مرورة*

شبع من النفاق
حتى غلاظت الكسدة
مافاق ولا عاق
زايد فحماقو مغطي بردة

طاح فيه طيحة المشتاق
وحلات ليه معاه الركدا
شداتو اللهفة ملي ذاق
تعشا وفطر وزاد تغدا

ياويلو ويا سواد ليلو
من ݣايلة غدا
الناس هانيين ملي يقيلو
وهو يتقلب و شاداه الرعدا

ما على بالو ومونسو خليلو
هاز معاه لحمل عدة
الى فرقو هو ما يقيلو
وخا تظهر ليه جهنم السودا

المنافق هذاك سبيلو
الغرور بيه يفطر ويتغدا
مايدري قربت ساعة رحيلو
والمهبول قليل العدة

مهبول رْيُوڭُو يسيلو
نفسو تزيد وتنقص بلا مهدة
ب نهارو مع ظلام ليلو
غادي ويڭدم اش هاذ الغدة

توقيع:
الحسنية المدكر
و رشيد شرقان.

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.