الضحكة……. بقلم الشاعر محمودبكرشلطف…. وكالة الراي العربي

الضحكة…محمودبكرشلطف
شهرين اوراجعين
كذبه عرب
في الثمانية واربعين
طلعنا حافيين وعريانين
لما احتل اليهودفلسطين
وهم اﻻرض
على ظهورنا حاملين
وحزن العمر
لليوم في قلوبنا شاربين
وفي بﻻد الناس مشردين
خيام وبيوت طين ساكنين
وصفينا على طابور التموين
كاننا شحادين
سردين اكلنا
وانكتب على ابوابنا
ﻻجئين
وعلى الجبين
كبارصغار
ولساتنا بنستنا هل شهرين
ووعدبلفور ناقشنا
وشجبنا واستنكرنا
وصرخنا
وتحت الطوايل وزرقنا
فجئه
حلت النزحة في
السبعة وستين
وصارت القابنا كثيرة
ﻻجئين…ونازحين
لكن اسمنا
فلسطينيين
في كل اﻻرض توزعنا
وعز وفخر اسمنا
وحاربنا
يوم نقول انتصرنا
ويوم ساوموا علينا
ويوم حررنا اﻻرض
فلم عربي
رسمتة الشياطين
لعربنا
واوهمونا تجارالدين
بالوعد المكذوب
اوالمكتوب
وطاطواروسهم
ورفعنا راسنا
ان القدس النا
وفلسطين وطنا
والشاهد
صورة ابوي وابوك
والبندقية بايديهم
وصورة القدس على ظهرهم
وفي عيونهم
بلدنا من المية للمية
ومش رح ننسى شهدائنا
ابطالنا وبطﻻتنا
واسرانا
رافعين شارة النصر
وعلم فلسطين ايرفرف
على قريتنا
ديرطريف
اللي حمت علي حسن سﻻمة
ورفاقة
بخيولهم
راجعين تيحرروا بﻻدنا
محمودبكرشلطف