الـسوق …زجل بقلم أحمد لغدير

زجل .. الـسوق
☕☕
ٱلْقاسح مْحْرُوقْ
والسايل مْهْـروقْ
السلعة الزينة
ما محتاجة بوق
،✍️☕
زيد .. قرّب
هذا حال السوق
ٱدخل ٱتْجرّب
ٱتبع كلام القلب
و إلى جلالة
عنقات ٱجهالة ..
يصعاب الشوف
من تحت الخوف
🌿☕
كون على بال
الحالة .. ماشي
نفس الحالة
وْإلـىٰ ٱدْخُلْتْ
لْـسوق ٱدْلالة
تْرٓجّٓـىٰ وطْلْبْ
تْرٓيّتْ لا تزربْ
الـمٓحْركْ ..
جْنابو طابو
من الـفجر
حتى المغرب
🌿☕
عااافاااك لا ٱتقلق
خلّي ٱرجىٰ ٱمْعٓلّٓق
راه حطب الدنيا
يْـبقى فيها
كل سلعة
و ٱمّٓاليــها
ها البيض المسلوق
ها الزيتزن المشقوق
ها المحروق
ها الـمهروق
الحمد لله ..
على نِعمة الذُّوقْ
……… ………..
راك تم….✍️أحمد لغدير
21-01-2029