بغيت نقول…زجل بقلم الراجي رمالي

زجلية: بغيت نقول
🌾🌾🌾🌾
بغيت نقول
بغيت نعيط
تلف لي رايي
زهري تحنط
فين سعدي
سعدي غاب
غاب سري
🍂🍂🍂
عييت نسال
عييت نسول
قالو سرك عندو
سرك عند فقيه
فقيه قاطع
ف الوقت حاضر
حاضر ناضر
يبخ و يداوي
يداوي بالخاطر
يزوج و يطلق
يبعد القريب
يقرب البعيد
🍂🍂🍂
ضراب الفال
يضرب ضرب
ضربة تحيي
ضربة تقتل
الضرب ماشي
بحال بحال
الضرب علينا تخلط
تبنجت العقول
الجهل علينا تسلط
بغيت نقول
هاذ الشي ماشي معقول
🍂🍂🍂🍂
الراجي رمالي
20/02/2021