وكالة الرأي العربي الإخبارية
زجل بعنوان
(تمرميدة)
حطيت راسي عل الوسادة
نْدّي طريق ونْجيب طريق
طار نعاسي كيف العادة
ؤالليل طويل من غير رفيق
الحرف خرف في سوق الفهامة.
والراوي بين السطور تلف
شاف الكلمة حلمة في المنامة.
ظنها بنت شفايفو،
عليها عطف.
زمّمها جملة من البوح،
لبِّسها العمامة،
عاهدها ،
يدير ليها قيمة وينصف.
حرّآت عليه العيشة،
ؤ شتّات اللامة .
من كثير حبو لحبابها ،
شحال من دموع عليها درف .
لقيتني صاحي،
مازال نطيب نعاسي.
نعيد فيلم تراحي،
المأتت بمعانات ومآسي.
في الفراش ،
نتقلب نضمد جراحي،
حيت الحرف سكني.
وزاد من باسي.
لله يا الراوي،
قاد ميزان الصروف .
ؤ ساوي الحقوق.
محمد نواوي
المغرب
