وكالة الرأي العربي الإخبارية
زجل ..✍️
جاري يا جاري
🌿🌱
هدو ٱعباد جداد
مْتْخٓصْصِينْ فالعناد
بنادم يشوفوه جراد
الخُو على خوه
ٱتـنْفّخْ وزاد
و الحل ٱحصل
كا يسرق
الحطب و العواد
✍️☕🍁
مازال كانعقل
عاااد عااااد
يعني ٱمْنيـن
كنت صغـير
الحومة زينة
والدنيا بخير
كا نشوفني
فراس الدرب ..
مرة نجري
مٕـرة نـتعب
ومع قراني
كانلعب
كان الدرب
طويل ودٓيّقْ
و كل دار ..
بمٓطْرٓقْ غير ٱمْعلّق
ٱدخل ..
الدار دارك
أنا فعارك
غييييير
ٱدخل بلاصتك
مازالا بالرشمة
☕🌱🌿
هدا زمان ..
القسمة بلا حشمة
فين البسمة
فيها الحُب
فين الفرحة
فين المحفل
فين البيبان
دْ الخشب
بدون قفل
🌱🌿
الدرب …
يا ٱصحاب السعادة
ما بقاش
كيف ما كااااان
بحال شحال
من عادة
صارت فخبر كااان
تقاليد صحيحة
رجعات قبيحة
و قدّااااشْ
كاااان حرام
يدوز ليك الطعام
وجارك كا يْـشمْ الريحة ..
🌱🌿☕
تحياتي 27نونبر20
✍️أحمد لغدير
