أخر المستجدات
الرئيسية » أدب الكتاب » حسب معايا… زجل. بقلم رشيد حياط

حسب معايا… زجل. بقلم رشيد حياط

حسب معايا عافاك. ( زجل )

شحال من شجرة…. تعطينا بيروك (المكتب)
وبيروك شحال…… يعطينا من شجرة

شحال من توقيع……. يخط ستيلوك
وشحال من ستيلو…… يزمم الهضرة

بشحال…… خدامين هادوك
وهادوك شحال…….. خدمو من مرة

ملي تمشي فحالك تبرك شحال……. يعطوك
ونتا بارك شحال…… تاخد فالحفرة

واش تابع للي…. جابوك
ولا جابوك غير تنشط…… السهرة

گول ليا واش….. عجبك لبروك
ولا حاط فراسك نمرة …..

زيد حسب عافاك
شحال….. توزن بلا شوك
وبالشوك شحال……… استاغليتي من ثغرة

رشيد حياط..10/03/2022

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.