حكم الله لا تغفل…زجل بقلم العابد عبد الرحيم

//=حكم الله لا تغفل=//
÷÷÷÷÷÷÷÷÷÷÷÷÷÷
( زجل)

من ذا يحكم غير الله وحدو القادر العظيم..
حب الحاكم للكرسي واش يبقى للدوام..
ربي امر بموتو ولو يحكم فينا مائة عام..
حب النزوة فالانسان قديم.. حب لحمام..
حب الذات واللذةقديم شيدناه فوق لمقام..
ما يدوم التالف ولو يعبد ولو ايحب لقدام..
عارف ظلم الناس وسادة طرف من الظلام..
عارف المال زايل ولو قنطار ذهب هو حرام..
الرزاق الله شوف الصويرة سيدي بولعلام..
شد خنشة ياختي شد خنشة وحدةبالتمام..
كن دقوا البيبان فرقوا المعطى بكل السلام..
دارونا اعجب قريدات تلعب ا تضحك لقوام..
دارونا جوع ، دارونا بلاد مبلية بكرة القدم..
دارونا دم دارونا سيف يقطع ريوس لهمام..
دارونا طلبة فالمدرسة خلطوا حلال بحرام..
دارونا في زكاوة لحونا في بدوزة اعقام..
داروا الضرب فالجلد وشمة اتخوف لعلام..
احنا السكات ، احنا الخوف على طول العام..
احنا اللور اللور ولو انزوقوا ازناقي باللام..
حالنا حال من الاحوال عالم به العالم العلام..
ابغينا انعيشو الهدوءلا اتولي بلادنا بلاد شام..
اللي حكموا فينا بالتزوير غيروا كل الارقام..
ضربوا البرد فالجبال فرقوا لغطى عالجسام..
ساطوا فالخبزة ما خلاوا لا مرقة ولا ايدام..
عاودوا الحساب خليوا العيش ممكن بالسلام..
خليوا قلوب الصغار امل..امل عند كل لغلام..
خليوا الامل قلب كل شاب عزري عاد صام..

*خليوا الزعتر زعتر و فليو حداه…!
*خليوا الحياة وردة انشموهاصباح…!
^”^”^:^”^”^”^”^”^
خليوا الحياة حب..
خليوا الحياة زهرة..
خليوا قلوبنا بيضا..
“”””””””””””””””””””””””””””
حبسوا حبسواحبسوا.. حبسوا لا نتقياو الزمر.. دارت بنا الدنيا دورة..
“”””””””””””””””””””””””””””
ما عرفنا قبلةما عرفناغروب..
ما اعرفنا شمالها من الجنوب..
“”””””””””””””””””””””””””””
عنداك ايغرك لكلام لحلو..!
الرزق رزقي ماشي اقمر..
فوق الارض عند بحر..
ناكل نشبع انعمر قبي.. انعمر قبي بالجراد البري..
“”””””””””””””””””””””””””””””””””
كيف ايكون صباحنا اصباح.. الى صبحنا على غراب فحمة.!
“”””””””””””””””””””””””””””””””””
كيف ايكون الليل ليل الى- جا – خو لغراب..!
“””””””””””””””””””””””””” او جنح الظلام حالك..
خليوا الامل فالاحلام..
“”””””””””””””””””””””””””
خليوا الامل امل..
خليوالامل وردة..
“””””””””””””””””‘”” اراوا انفكوا لبلاد من ورطة ورطة.. شلا خيرات واحنا مزلوطين زلطة..
“””””””””””””””””””””””””””””””””””””””
خليوا الامل يكبر فالشباب..
خليوا الراحة فالبال رحمة..
“”””””””””””””””””””””””””””””””””” خليوا الامن انمارسو الايمان..
لبلاد ابلادي انا الحارس عليها..
“”””””””””””””””””””””””””””””””””””””””””””””””
لبلاد ابلادي يا المانعني من حفنة تراب..
لبلاد ابلادي يا المانعني من جغمة شراب..
“”””””””””””””””””””””””””””””””””””””””””””””””
خليوا الرقراق رقراق والما(ء)صافي عذب..
خليوا انشودة الوطن انشودة في كل قلب..
خليوا الوطن قبلة للعابد لكل ناسك ايحج..

العابد عبد الرحيم :2018
================
ملهمتي الفقيه بن صالح..
================

.

.