خواطر رياضية

بقلم/أمجد مصطفي عامر

أزمات أزمات وكل يوم خناقات
وفضائح على الشاشات

على حاجات تستاهل
وكتير منها تفاهات

طعن في ذمة وكلام ملهوش لازمة
وسب في الأمهات

طاب ياخونا ده وقت فى عز الأزمات
حلو مشاكلكم طيب من سكات

ناس بتتصاب وناس بتموت
وأنتوا بتتخانقو بالساعات

طاب ده ينفع خليتوا ايه لأطفالنا
عيب ده انتوا قامات

عمرها ماكانت بالصوت العالى
والتشهير والحركات

دى رياضة تهذيب نفس
وخسارة وفوز وبطولات

بلاها رياضة لو كل يوم خناقات
وهتطلعلى وأطلعلك السيديهات
وشتائم في الحى والى مات
ونسيتوا أن كل شئ في الدنيا من فات

علموا أولادكم عمر مكان التشهير والتضليل إنجازات

ده الإنسان ايه غير أخلاق عالية وإحترام للذات

وسيرة حلوة تفضل وتفتكرها الناس لسنوات !!