وكالة الرأي العربي الإخبارية
قصيدة عامية
بعنوان : (( رحلة عمر ))
⭐⭐⭐⭐
طول عمرنا بالأمل
نمشي خطاوينا ..
واليأس عدو لئيم
بيحطم أمانينا ..
العمر لحظة والتانية
راحت علينا ..
عمرنا ما نسينا الزمن
دايما هو ناسينا ..
نصحى على أمل
وننام على حكاوينا ..
وكل الحكاوي نفسها
بجد تعبنا وملّينا ..
العقل شغال يحسب
لها ونسّانا أسامينا ..
والقلب طماع في
الهوى بيعاند فينا ..
لا فيهم حد بيحن
للتاني أو مره يرضينا ..
سكة طويلة محطة
ورا محطة لمراسينا ..
ناس روحنا في ودها
وناس اتفرضت علينا ..
ناس جينا على هواها
وعنهم اتعمينا ..
وناس فرحنا لفرحهم
وبضحكه باعونا ..
يا عمر سارح بالألم
طارح مآسينا ..
لا تركن على ماشي
راحت أيامنا وليالينا ..
بقلمي // محمد عبدالغني عمارة
.
