وكالة الرأي العربي الإخبارية
زهرة الجبل بالعامية
بيروت يازهرة غفيانة
على راس الجبل
ييجي نسيم الصبح
يصحيها
وما بيصير إلها مثل
بتظل جميلة الشكل
فواحة بطيب الأصل
بيروت الأرزات
والكرزات بيحكوا
عنها قصص محبة وعشق
بيوشوشوا النجمات
بعدالمغيب والغسق
بيذكروهم بحضارة فينيق
على قمم الجبال
ورجال حاملة الصخر بكفوفها
مابتعرف محال
تتحدى الريح والليل
لو عليها طال
وتقطف عناقيد العز
ليهدا لها بال
تظل تتمرجح بين المروج
وتنسج للسعادة حبال
لكن عيونها بكت
لما النار أكلت جمالها
وما اكتفت
ضحكة اولادها اتبدلت
عششت في قلبها
غربان القهر
ودفعوها للعذاب مهر
لكن رب السما
رح يكسيها ثوب الصبر
ويبدل دموعها فرح
بعد الأسى والجرح.
حريق بيروت بتاريخ٤/٨/٢٠٢٠
شادية دحبور الزعانين
فلسطين
