أخر المستجدات
الرئيسية » أدب الكتاب » سوق السرقة.. زجل بقلم الراجي رمالي

سوق السرقة.. زجل بقلم الراجي رمالي

زجلية: سوق السرقة

ضربت ف راسي مطرقة
گلت مع راسي و أنا ف راس الزنقة
ندير دويرة ف سوق السرقة
بانت ليا جوقة
جاني الفضول و طليت
لگيتها گُلّة مسروقة
سمينتها حايلة
على خد الحروف سايلة
لحسها ذيب
عًرّگها و زطم
مللي قشعوه
ضرب الطم
گالو ليه آش تم
؟؟؟؟
جاوبهم و هو كيتمتم
أنا غي كنلگط فالكلام و نجيب
كلمة من هنا و كلمة من لهيه
باش نعمر الجيب
وا راااااااااااه
ذيب واش من ذيب
واحد يحلب و يمَلّح
و يسَمّن
و هو حاشي قمقومه
كيلعق و يخْون

الراجي رمالي
04.04.2022

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.