وكالة الرأي العربي الإخبارية
زجل
قصيدة بعنوان : فصل الشتاء
لقصيدة صرخة
بالحروف ؤ لمعاني
جمرة فالعماق
حرها اللي دواني
آه من فصل الشتاء
بالقهرة جاني
بعد ما الخريف
ساسني ؤ عراني
آ حياني ، آ حياني
على الليالي حياني
شي منعم فالدفا
و البال هاني
و أنا ولادي
من الصر تعاني
ما بين لجبال
تما القدار رماني
عند عتبة الباب
نشوف الموت بعياني
سايرا تغزل
من الثلج كفاني
يا خوفي على ولادي
همهم رشاني
لا قلب حنين
لا حد فيهم وساني
عايش منسي
في بلادي يراني
رجاي الله
الله إكون ف عوني
عبدالله إضامر
( المغرب )
