وكالة الرأي العربي الإخبارية
قاضي بوحاجة
——————–/
(تابع ازمان واش من ازمان)
( زجل)
(زمان الصنجة والميزان)
( زمان قياد المخزن)
من خيرة الناس قلت فلان
فلان يا فلان يا ولد افلانة
كان حاكم باحكام
كان قايد أاااينفذ احكامو
مايرحم ما يشفق فالناس
لا عارف حرف من لحروف
كان ايشعي بعوينةوايشوف
احكامو كان حساااب الكانة
مرة فرحااااان مرة غضبان
مرة يشرب شراب الديفان ذيك الوقت بغات السكران
عاشق راسو فااالمراية
كان ايتمتم مع خياالو يا المراية كَلسي حدايا.!
كان احكامو اااحكام الظلم
كان ايحرك الرملة بالمغرف
يعطي……لضيافو جبانة
لا حشمة لاخوف امعلم
*كاان اعور امغطي عينو.!
كان اقرع داير طربوش
قوة لفهامة صنطيحة
ما هاز هم في راااسو
غير وحدو هو وحدو
كان ايحب كلمة قبطاان
قياد فرانسيس يا سلام
= من اقوالو في زمان =
——————————-
المظلوم اعطيه عام
السارق ليه ضمااانة
*المظلوم زيدوا جلدوه.!
الجاني سير ااو خليه
ليه جاه و نعيم علينا
مرة مرة نحتاجو لو
ليه جااه ااو ليه مقام نبقاو فاضياافتو عام
الفلس الفلس و يااااا طتان
الفلس الفلس قاضي حاجة
به نقضيو النزاوات
به انزمموا لمقالات
دزنا في قاعة لحكام
دزنا بالخير و السلام
غرقت االقاعة فالظلام قال ااالغراق شي كلام
كلمة فرانسيس الا ول
*قلت حرام عليكم حرام.!
تمتم الحاكم التمتام قال هذا ولد الحرام
كلامو موزون بالوحدة كلامو غاية فالاوصاف
قال الغراق بصوت هايج حمار بن حمار حمار هذا
كلامو فلفل سوداني
كلامو لغز….وامعاني
انفيوه انفيوه
للثلث االخالي!
حبسوه لله حبسوه علينا
في حبس احديدو هااري
قفلو قفل اسوارتو مجلية
قلت كلامي وانا فرحان
اللاٌ..اللاٌ…اللاٌ… والف لا.!
كلامي ورد أازهر او ياسمين
كلامي رصاص امعاني تقتل
غير لوحوني غير لوحوا لوحوني فالثلث االخالي.!
اليوم افهمنا بلا قراية افهمنا او مافهمنا شي
*فالصندوق لحنا الاصوات !
ظنيناه خير و بركة
— خونا —–
سار اااااحرامي قاتل
شفار او طاغي جباار
قاااتل احبابو فالدوار
اسباب المصيبة شعار
(نلتقي قريبا ان شاء الله)
ذ/العابد عبد الرحيم: مايو 2017
نقح بتاريخ : 30/06/2021
الفقيه بن صالح تغازل الحروف
