لو حبينا بعض بإخلاص …. بقلم الشاعر عبدالهادى الشعراوى…. وكالة الراي العربي..

لو حبينا بعض بإخلاص
عمر ماكان وطن إنداس
ولا عربيد يوم قرب منه
ولا ارهاب يقتل ناس
***
لازم نرجع وحدة صف
إيد مع إيد كف بكف
ننسى المكر ويا اللف
نبنى بحب لينا أساس
***
أى مصالح خاصة تروح
يكفى جسد الأمة جروح
حتى جيوشها كمان بتروح
من غير جيش والله ننداس
***
إصحوا كفاية الفتنة كبيرة
زرعوها بأيادى طويلة
علشان فرقة كل العيلة
ملعون والله شيطان خناس
***
صنعوا قاعدة ويا دواعش
إرتكبوا قتل وفواحش
إزاى عايز درعك راعش
وتعيش تشرب مر الكاس
***
الإرهاب ملعون من فوق
عايزك طول عمرك ماتفوق
تفضل بهمومك مخنوق
تنسى الناس ورب الناس