مين اللى قال

القروى الساخر
عبدالهادى الشعراوى
……..
مين اللى قال
ان الكلام يمنع قدر
واللى السكوت
يخلى خير ينتصر
الدمع سايل ع الخدود
والدم مفروش ع الحدود
وضنايا بطلق بارود
بين ايديا بيحتضر
يا امة بكفايه انين
الاقصى متقيد سجين
محتاج نمد له الايدين
بدو كنا او حضر
يا امة بكفايه بقا
واللى احنا عاشقين الشقا
دا الاقصى شوقه للقا
بالكعبة ويملى النظر
يا امه آن الاوان
استيقظى الفجر حان
همى ولبى الادان
القلب والله بيعتصر
…………..