حرقت لجشار ما اطفاتها ويدان
من جا يطفي كب الزيت ع النار

من جا يشكي سار ابكم مضروب
زادت نار على نار رجعت دخان

كبوة على كبوة كلها حطام
غرقت لقوام في ليل مظلام

سار الحديث كلو رصاص كلو الغام
تلفت شعوب بالفتنة ورحي لحروب

سارت ابلاد الشرق ضحك و طرارة
اضحك العجمي واضحك صهيون

كثرت حروبها راه تطحن طاحون
هربت رجالها خلاتها خلوة مخلية

ما جبروا حل غير بالعسكر قتلوها
كلها ايقول ا راسي عمرو لي جيبي

لا مؤتمرات لا قرارات فكت الورطة
حصلة قنفود والشوك زادو الحصلة

كثرت لهضور زادت عداوة ف عداوة
من يطلب الصلح شعلوا فيه افتيلة
بالرصاص ضربة واخرى الكل غادي
رونوا الرمل قالوا عجنوه اعجينة

عجنوا بالدم بلا قياس سارت الخبزة كبيرة
اضرب لكحل فلحمر فالشمس خلاوه ابطانة

رجعوا للماضي ايسولوا فيه ما جبروا ايفادة
يا رب تلطف من هم الدنيا لا ازيدوا اشفاية

حوزوه من كل لجناب خلاوه كالقفر خالي
واحنا مثل الخرفان اضربنا لهبال فلهبالي

(كل اللغة اصبحت قصائد وكل القصائد اصبحت
انينا)

العابد عبد الرحيم:10/01/2019
ملهمتي الفقيه بن صالح