وكالة الرأي العربي الإخبارية
صنف زجل
وزن مقيد
ياجوج وماجوج
وَ نْتَ تَبْكيكْ الجْبال الشَّاهْقَه.
تْسيحْ مَنْها دْموعْ رْواتْ مْروجْ
وَنْتَ تَبْكيك الشّْهوبْ الْحَارْقه
مْعانْدَة الشَّرْ مَنْ فوقْ الْبْروجْ
وَ تَبْكيك سَمْ الْحًيَّاتْ الزَّاعْقَه
تَحْت حْوَافَرْ الْخَيْل وَالسْروجْ
عْلايلي جُرْح الشَّمْس الشَّارْقَه
فْرَحْ الْخاطَرْ عَنْد صْياحْ فَرّوجْ
وَقْفَةْ الرّْجالْ عَزْ نَخْلاتْ وارْقَه
الرُّجْلَة عَتْباتْ عْلَى خَط دْروجْ
كِصْياحَكْ تَحْتْ لَمْواجْ الغَارْقَه
كِنْواحَكْ بِاللَّيْل مْدادُو مَقْجوجْ
وَ ضَيّْ نْوارك في روحي بَارْقه
بتَرْ السُّوسَة مَنْ كُلُ مَخْموجْ
لَعْمَرْ مَخْطوفٌ و النَّظْرَة سَابْقَه
الدَّنْيا نَغْمَة مْقامْها غْنا هَجْهُوجْ
كَلْمَة الحَقْ كَيّْ شَحْطَة فَارْقَه
بينْ لْحَقْ وَالْباطَلْ مَنْ كُلْ فُوجْ
حَلاَّلَة يَا وَلْدي مَنْ عَيْنْ مَارْقَه
قَلْتْ هذا زْمانْ يَاجوجْ ومَاجوجْ
( فؤاد البياز القاسمي
)
