وكالة الرأي العربي الإخبارية
ياهل الكلام
……….
شعر عامي
…..
ياهل الكلام اتحركوا
وحركوا سن القلام
يالا اكتبوا يالا انشروا
بين العرب مافيش خصام
يالا اسألوا كل العدا
ناسين وليه معني السلام
عاشقين خراب عاشقين دمار
وفكركو تعلو المقام
الارض فيها تفسدوا
وتقتلوا حتي الحمام
ياهل الكلام اتحركوا
وحركوا كل النيام
القدس دي مسري النبي
قران بيتلي مش كلام
ولا العرب تاه فكرهم
وعزمهم ماهوش همام
عاوزين صلاح عاوزين عمر
يرجعوا وحدة زمام
ياهل الكلام اتحركوا
بايديكوا امحو للضلام
نادو العرب نادو الاصول
اتوحدوا امحوا الغمام
ابنوا الجيوش المرعبة
انسو طريق الانقسام
كل العدا اتوحدو
يالا بقي امحوا اللئام
هدو الببيوت اطفال تموت
وقلوبنا ليه بتزيد الام
ياهل الكلام اتحركوا
انتو الامل فكوا اللجام
يالا اكتبوا يالا انشرو
ان العرب طوفان وقام
هيحرروا مسري النبي
ويحفظوا ارض الوئام
سنوا القلام يلا اكتبوا
يالا ارسموا اجمل وسام
ياهل الكلام اتحركوا
مني لكو تعظيم سلام
كلمات / محمد حسن فرغلي محمد
