أخر المستجدات
الرئيسية » أدب الكتاب » يوم الحساب…زجل بقلم الراجي رمالي

يوم الحساب…زجل بقلم الراجي رمالي

زجلية # يوم الحساب #

 

نطق الحق من سماه

بان الفجر و لاح غطاه

شفت  مول  المال و الجاه

كان بخميرو  الخير حداه

جاه  موت  الغفلة و داااه

خلا  وسخ  الدنيا  ورااااه

خلا اللي وراه و اللي قداااامو

مول المليح باع و راااااااااااح

كفض كمامو و عقد حزامو

السوق منو  طااااااحت خيامو

هكذا صدق الحق ف كلااااامو

كلا عندو حسااااب على ايامو

——————

شي حسبها حساب الخاطر

حساب الزرع ف المطامر

و شي حسبها حساب النية

ذرات ندى من سحاب عامر

شي حسبها حساب الكاشوش

سلعة موجهة و لتحت مغشوش

و اللي تغر  و توهمو  حب

و غلة ف المزاود الخاويه

كيفو كيف اللي بايت عساس

على موكة ف  الخرب الخالية

——————–

راه الدنيا فانية قصيرة

ف اﻵخرة ما تنفع حيلة

لا مال ينفع يوم الحزة

لا اولاد تعتق لا اوتاد

الحساب عندك غدا يطول

ما يدوم  غير المعقول

اعدل و صفي و انصف

و اطلب ربي بيك يلطف

——————

يوم تطوى السماء طي الكتاب

يوم الصراط يوم الحساب

ما ينفعوا لا بعاد لا قراب

لا الخاوة تنفع لا صحاب

اقرا ما تزمم لك فالكتاب

باش تتخلص من العذاب

تتمنى لو ترجع تراب

و يكون فات اللي فات

و الثوبة غلقت اﻷبواب

 

الراجي رمالي

30/08/2020

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.