الشاعر العراقي أحمد الأشوري -عكدي رايح /باللهجة العراقية

عگدي رايج..

ودزي وجهچ بالظرف ضحكة ربيع..

كسري قيد..

وطفي قانون العشيرة المشتعل..

الماكو راي..

الصدگ وينگع ضميرة المنتحل..

وجه إمام يبوگ لعبة إمن اليتيم..

وبدي زلفچ..

للتراچي..

الخدرت بريحة اصابع من بعيد..

بوگي گلبي ورشي كل نبضاته عيد..

هواي صار..

بگاعي ماساحگ جدم للياسمين..

هواي صار..

بحلمي مامفترة عين..

بگد ضحكتج..

وعمر وكت ايوب إلبصدري گصر..

هواي صار..

ابريجي مفگود المطر..

وچوت اسنيني الأسامي العابرة..

وآنه عايش.. لسه عايش..

بفقري ذاك المنتچي إعله ظلوع رب..

اشبه السلطان وبعوزي امير….

شما اريد امشي ايتلاگفني اللقاء..

ويعثر بطولي العشگ لمن يفوت

ويعبر إگليبي التلفلف ذكريات..

وطاگ ماي..

ايعيش من تغفه طواريه اعله طين..

وصوت محبوس بعجز بيت الحنين..

وينچ الملگة عتگ وجهه بگفاي..

وديرمت شفتي الحروف التايخة..

انذور نثية..

بصحرة عاشت تشتري القسمة بحياة..

نثية زخات الألم ترستهه ليش..

وباقي بيهه..

بيهه لهفة امن الشباب الماخمد..

بيهه همة وهيه تدري المايصير

هو راس السنه لسه بلا جسد..

وآنه لسه بروحي سدة….

وفايضة الوان الخريف الباهته..

ثوب حنطة..

وغنوة دسمة إمن المواجع الظنون..

ويبست بشكلي الاناقه المگيجت..

موعد الغيمة وحسرتي اعله الجرف..

وكلشي بيه..

بيه حيل استاهلچ وشچم حرف..

بيه دنيه إتحب اصبعج..

بيه لون ايحبچ انتي.. وبيه رية ..

بعد ماجاستهه نسمة..

اتلوگلچ.. وکلشي بيه..

وكلش ادري.. اليعشگ ادري..

يصير شجرة يلبس البلبل غصن..

يصير ام لكلمن استاحش حضن..

يصير خيمة اتلم خدر للتاه يم راسه گطن..

يلا وينچ خلي نعشگ..

خلي كلي بكلچ اغرگ..

خلي ادمن بيچ ما ادمن سهر..

وخل اجيب..

الگمر يرگص ويه ملگانه البريئ..

بليله تضحك من تشوف اثنين غطاهم ورد…

بليلة سمرة ونلگف الختلة ونناوشهه حفل..

ونعزم النشوة ونحلفهه بطفل.. آ

ه يحلمي.. چنت گبلچ..

كلشي بية امعرس بحظنه الظلام..

ومن عرفتچ.. كبرت اوياي المحنة الغافية..

فوگ متن السكتة معزوفة غرام..

وهية فجأة وبيچ صافن لنه يندهني الحرام..

وبدت بية اتروج لچمات الضمير..

استغفر الله استغفر الطير اليباوع چفي عش..

شلون اغش.. وآنه اشوفن بيچ امي..

الهسه عند الله حمامة وبت خضار..

انتي بس لمي السنين التايهه..

ودفي بقماش العباية احچايتي..

الحنة بردت..

وازي ابوچ ايجيبچ بصفنة اعله ابوي..

زفة ومسابگ هلاهل عاشگين..

عاشگين..وحتى بينه يسولفون..

هذا نجمك وهاي شمسي..

عرينتهم چلمة والموسم همس..

خل نفصل راي واحد..

واعله گدهم نرسم الدنية عرس.. ..

…………………….أحمد الآشوري..