الحب
******
كتبر سمعنا عن حكاوي الحب
اللي قال الحب نظرة
واللي قال الحب نبضه
واللي قال الحب نزوة
واللي قال حلم وخيال
واللي قال عنه الأمال
بس رغم شوقي ليه
ورغم خوفي من حكايته
اللي قولته عن جنابه
مش كفايه اوصف حلاوته
أصله حق مش خيال
الحب أصله إكتمال
إجتماع مابين روحين
مش لخلفه أو عيال
إجتماع والفكر واحد
والشعور دايماً تلاقي
لما تتعب يوم حبيبتك
لو بعيد تعرف ألامها
لو قريب حبه منها
تحس عوزها من كلامها
ولما تسمع منها أه
الألام تسكن حشاك
نظرة واحده منها ليك
يبقي كل الخير معاك
مهما تقسي ف يوم عليها
تبقي عاوزه تنول رضاك
لو تطبطب وبإيديك
الألام تبعد هناك
الحكايه مش طعام
ولاغسالة هدوم
الحكايه دي موده
وكلمه حلوه كل يوم
النساء عاوزه الموده
مش لموضه ف الهدوم
عاوزه تعرف ايه مكانها
من حياتك بالعموم
فبلاش تغضب وتزعل
من لحاحها كتير عليك
انسي هم الدنيا كله
لما تمسك يوم إيديك
مش دي لحظة تفوت تعدي
وبعد منها تزيد هموم
الخلاصه م الكلام
النساء لينا حياه